தென்னிந்தியத் திருச்சபை, யாழ்ப்பாண ஆதீனத்தின் கிழக்குப் பிராந்தியப் பணிகள் மீண்டும் ஆரம்பிக்கப்பட்டு சிறப்பாக முன்னெடுக்கப்பட்டு வரும் நிலையில், இன்று 13 செப்டம்பர் 2026 அன்று மட்டக்களப்பு திருப்பெருந்துரையில் புதிய ஆலயக் கட்டிடம் திறந்து வைக்கப்பட்டது.
இந்நிகழ்வு தென்னிந்தியத் திருச்சபை, யாழ்ப்பாண ஆதீனத்தின் பேராயர் பேரருட்திரு கலாநிதி வி. பத்மதயாளன் அவர்களின் தலைமையில் நடைபெற்றது. புதிய ஆலயத்தின் பிரதிஷ்டை ஆராதனை பேராயர் அவர்களின் தலைமையில் சிறப்பாக நடைபெற்றதுடன், திருவிருந்து ஆராதனையும் அருளுரையும் பேராயர் அவர்களால் நடத்தப்பட்டது.
நீண்ட கால இடைவெளிக்குப் பின்னர் கிழக்குப் பிராந்தியத்தில் தென்னிந்திய திருச்சபையின் பணிகள் மீண்டும் சிறப்பாக நடைபெற்று வரும் இவ்வேளையில், நிரந்தர ஆலயக் கட்டிடம் திறந்து வைக்கப்பட்டிருப்பது ஒரு முக்கியமான விடயமாகும்.
இந்த புதிய ஆலயம் இப்பகுதியில் ஆரம்பிக்கப்பட்டுள்ள திருச்சபையின் ஆராதனை மற்றும் ஊழியப் பணிகளுக்கு வலுவான தளமாக அமையும் எனவும், இப்பகுதி மக்களின் ஆன்மிக வாழ்வுக்கும், விசுவாச வளர்ச்சிக்கும், சமூக மற்றும் மனிதநேயப் பணிகளுக்கும் பெரும் பங்களிப்பைச் செய்யும் என்பதில் சந்தேகம் இல்லை.
